Bestalde, jaialdian zehar Maritxu Teilagorriko lagunek argazkiak aterako dituzte eta horiek sarean eskuragai izango dituzte aita-amek, bertan emango zaien Interneteko helbidean.
Azkenik, 23an neska-mutilen bat Olentzero eta Mari Domingirekin egoteko aukerarik izango ez balu, gogora dezan Kultur Leioan Olentzeroaren gutunak biltzen ari direla propio jarritako postontzian eta bertan utzita ere helduko zaiola. Postontziaren ordutegia goizeko 9etatik 21:00etara da eta gutunak batzeko azken eguna hilaren 24 izango da.
Bihar, asteazkenarekin, Olentzerok eta Mari Domingik Leioako umeak bisitatuko dituzte. Izan ere, ikazkina eta bere emaztea Maritxu Teilagorri Leioako txosna batzordeak gaztetxoentzat Euskal Etxeen plazan antolatutako Gabonetako jaialdian agertuko dira. Festa arratsaldeko 5etan abiatuko da, musika eta neska-mutilentzako tailerrekin. Ordu bat beranduago, 18:00etan, Olentzero eta Mari Domingiren agerraldia izango da. Nahi duten txikiek eta ez hain txikiek haiekin solastatzeko eta erretratuak ateratzeko aukera izango dute. Gainera, horrela nahi dutenek zuzenean gutuna eman ahal izango diote. Arratsaldeko 19:00etan, berriz, neguko hotzari aurre egiteko txokolate jana izango da. Euria agertuko balitz, jaialdia Sakonetara lekuz aldatuko litzateke. Festa Leioako Udaleko Kultur Arloaren laguntza dauka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun