“Jolastoki”k, besteak beste, eper, onddo, aza gorri, pinioi, patata pure eta txokolatez egindako pintxoarekin epaimahairen saria lortu du. “Arotza”k, bere aldetik, bere Arotzita izeneko proposamenarekin –ogi txigortua, kalabazina, urdaiazpiko iberikoa, ahate-micuita, ahuntz-gazta arrautzaztatua, ahabiak, intxaurrak eta karamelua zuena- publikoaren saria eskuratu du.
3.500 pertsonek utzi zuten euren botoak establezimenduetan espreski jarritako postontzietan eta guztien artean, Javier Ruiz de Angulok afari bat irabazi du bi pertsonentzat, Andra Mariko Basalbo jatetxean.
Pasa den asteburuan Getxo udalerriko 20 bat tabernatan Euskara Zerbitzuak antolatutako "GetxONegin" pintxo lehiaketak partaidetzaren eta publikoaren aldetik arrakasta handia izan duela zabaldu dute antolatzaileek. Sariei dagokienez, Neguriko Jolastoki jatetxea eta Itzubaltzeta / Romoko Arotza taberna izan dira pintxo lehiaketa irabazi duten bi establezimenduak. Imanol Landa alkateak egindako balorazioan (mp3) esan duenez, ”Lehiaketak arrakasta itzela izan du, publikoaren aldetik eta sektorearen aldetik. Ostalarien eta bezeroen arteko harremanetan euskara gehiago entzutea eta profesionalek euskara euren zerbitzuaren kalitatean plus bat ikustea ere lortu dugu”. Guztira, 23 tabernek eta jatetxek euren bezeroentzat bereziki prestatutako milaka pintxoak eskaini zieten, hilaren 19an eta 20an, prezio merkean. Argazkian, Gure Etxea tabernako Joseba ugazaba, bere txangurro pintxoak erakusten. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun