Metro Bilbao garraio enpresak bezeroei gogorarazi die abenduaren 24ko eta 25eko tren zerbitzuak ez direla edozein lanegun edo jai egunetakoen berdinak izango. Ordutegia "urte osoan eskaintzen denaren antzekoa" izango bada ere, gaurko Gabon Gauean iluntzeko 9etan amaituko da, eta biharko Eguberri egunean, berriz, goizeko 11etan hasiko da, gutxi gorabehera. Ondokoak izango dira lehenengo eta azkeneko trenak: gaur, azkeneko trena Plentziatik, 20:20an abiatuko da; Santurtzitik, 20:40an; eta Etxebarritik 21:01ean Santurtzirantz eta 21:06an Plentziarantz. Bihar, berriz, lehenengo trena Etxebarritik, 10:48an irtengo da; Santurtzitik, 10:51n; eta Plentziatik, 11:00etan. Argazkian, metro bat Areetako geltokian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun