Aste hasieran abiatutako gose greba bertan behera utzi zuen herenegun Urtzi Paul Larrea gazte algortarrak, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Espainiako Polizia Nazionalak atxilotu eta egun bat beranduago, asteartean, ekin zion protestari, Basauriko espetxera eraman zutenean preso arrunt batekin jarri zutelako. "Urtzi modulura aldatu dute, orain kolektiboko bi kiderekin dago ziegan eta bertan-behera utzi du ziegan preso sozialekin ez nahasteko hasitako gose-greba, bere abokatuari jakinarazi dioenez. Bestalde, asteburu honetan izango ditu lehen bisitak", azaldu du errepresioaren kontrako erakundeak. Paul iaz jarritako 5 urteko espetxe zigorra betearazteko atxilotu zuten. Argazkian, Urtzi Paul (mahaian, eskuinean), eta epaitu zituzten gazte guztiek salatu zuten "torturen bidez deklarazioak sinatzera behartu" zituela Ertzaintzak / cc-by-nc Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun