EAk, ezker abertzaleak, Aralarrek, Alternatibak eta ABk presoen aldeko manifestazioa deituko dute larunbaterako

Albiste agentzia espainolek zabaldu dutenez, Eusko Alkartasunak, Aralarrek, ezker abertzaleak, Alternatibak eta Abertzaleen Batasunak agerraldia egingo dute 13:30ean, Donostiako hotel batean, euskal preso politikoen eskubideen aldeko manifestazioa iragartzeko. Etxeratek deitutakoa bezala, larunbat honetan, urtarrilak 2, izango da martxa, aipatu dutenez. Eusko Jaurlaritzako Herrizaingo Sailak iragarri zuen atzo, 18:00ak aldera, Espainiako Auzitegi Nazionalak euskal preso politikoen senideen elkarteak deitutako nazio manifestazioa debekatzeko erabakia hartuta zeukala. Erabaki hori "euskal jendartearen gehiengoaren iritzia eta nahiaren aurkatzat" jo zuen Etxeratek. Argazkian, astelehenean agerraldia egin zuen Etxeratek Bilboko udaletxe aurrean / © Etxerat.