Azken zortzi urteotan Araban izan da Muñoz. Tartean, atxilotu eta sei hilabetera, udal hauteskundeetara aurkeztu zen, Urdulizko Herri Batasunaren bigarren zerrenda kide gisa. Zinegotzi aukeratu zuten.
Pasa den ekainaren 22an, Dionisio Muñoz de Vivar, Andoniren aita zendu zen 78 urte zituela. Hiru egun beranduago, amarekin eta gertuko bakan batzuekin bi orduz egon ahal izan zen preso urduliztarra, amarenean, Algortan.
Atxiloketaren urtemuga inguruan, urrian eta azaroan dozenaka auzokidek parte hartu zuen "15 urte Urduliztik kanpo" jardunaldietan. Bertan, Muñozek zein 1994an ihes egiteari ekin zioten Gorka Martinezek eta Iñaki Bilbaok pairatutako sakabanaketaren berri eman zuten.
Espetxeetan "borrokaldi berria" abiatu duela iragartzen duen komunikatua (pdf) bidali die "Gara" (espainolez) eta "Berria" egunkariei Euskal Preso Politikoen Kolektiboak. Horretaz gain, Andoni Muñoz de Vivar Berrio urduliztarrak eta beste lau presok "EPPKaren diziplina eta babesetik at kokatu dutela euren burua" iragarri dute preso politikoek ohar (pdf) batean. Aipatutako beste lagunak Iñaki Rekarte, Balentin Lasarte, Esteban Murillo eta Jorge Urruñuela dira. Andoni Muñozek 43 urte ditu eta urriaren 25ean Ertzaintzak atxilotu zueneko 15. urtemuga bete zen. 1994an, Areetako Bizkaiko Zubiko plazan harrapatu zuten, Itzubaltzeta / Romoko Iñaki Gonzalo Casal "Kitxu", Algortako Iñigo Otazua Urresti "Oti" eta Angel Figueroa Fernandezekin batera. Ekintzarik burutu ez zuen Lanbroa komandoko kideak izatea leporatu zieten lauei, 30 urteko zigorra ezarriz. Handik aurrera, urduliztarrak Carabanchel, Alcala-Meco, El Dueso, Basauri eta Langraiz espetxeak ezagutu ditu, haietako batzuk hainbat bider, gainera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun