Udaltzaingoaren bigarren talde bat etxeraino hurbildu eta bertan kristal bat apurtuta –antza erasotzaileak horrekin egin zuen ebakia eskuan– eta beste kalte batzuk ere ikusi zituen. Etxean izandako hika-mika batean, senarrak hormaren aurka bortizki bota zuela kontatu zuen emakumeak. Horren ondoren gizona etxebizitzatik alde egin ei zuen. Ustezko erasotzailea atxilotu eta epailearen aurrera eraman zuten.
Keltse Eiguren Berdintasun zinegotziak gogor salatu du gertakari hori eta “berdintasunaren alde lan egiten jarraitzeko dugun beharra" gogoratu du, "indarkeria gizarte honetan sustrai sakonak dituen emakume eta gizonen desberdintasun estrukturalean oinarritzen baita”. Eigurenek azaldu duenez, “indarkeria sexista giza eskubideen urratze larria da” eta tratu txar fisiko edo psikologikoen biktima izan diren andrazkoak Udaleko Gizarte Zerbitzuetara jotzera animatu ditu (944 660 101 telefonoa), egoera hori gainditzeko laguntza emango baitiete bertan.
Dena den, tokiko gizarte zerbitzuez gain, beste telefono batzuk ere gomendatu ditu Eigurenek: Eusko Jaurlaritzako tratu txarren biktimentzakoa (900 840 111), edo Udaltzaingokoa (944 660 202), Ertzaintzakoa (944 063 420) edo Sos Deiak-eko 112 zenbakia.
Getxoko Udaltzaigoak 33 urteko gizonezko bat atxilotu zuen atzo Algortan, "bere bikotekidearen aurkako genero indarkeriazko delitu" baten egilea delakoan. Dena den, poliziek kasualitatez topatu zuten ustezko eraso egilea. Udal iturriek jakinarazi dutenez, gizonezkoa Algortako kale batean aurkitu zuen Udaltzaingoko talde batek "esku batetik odola zeriola. Zauriaz galdetutakoan alde egiten saiatu zen eta anbulantzia batean artatzeko eskaintzari uko egin zion". Berarekin berbetan ari zirela udaltzainek dei bat jaso zuten kale berean genero indarkeriagatik salaketa bat ipini zutela ohartaraziz. Emakumezko batek bikotekidea salatu egin zuen etxean jo egin zuela esanez. Hain zuzen ere, deia jaso zen une berean udaltzainekin zegoen gizon bera da bikotekidea. Argazkian, emakumeenganako bortxakeriaren aurkako elkarretaratze bat Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun