Asteburuko eski irteera antolatu du Getxo Kirolak udal erakundeak

Viajes Ecuador bidaia agentziarekin elkarlanean, Bareges-La Mongie estazioan eskiatzeko asteburu pasa antolatu du, urtarrilaren 22tik 24rako, Getxo Kirolak udal erakundeak. Bidaia autobusez izango da (irteera eta helmuga Algortako Fadura kiroldegian) eta 2, 3, 4, 5 edo 6 lagunentzako apartamentuetan bi eguneko egonaldia, bi eguneko fortfaitak eta asegurua sartzen dira salneurrian. Apartamentuetan sartuko diren lagunen kopuruaren araberakoa izango da prezioa, 149 eta 205 euro artekoa bazkideentzat, eta 159 eta 215 euro artekoa bazkide ez direnentzat. Informazioa eskatu eta izen-ematea Fadura kiroldegiko erabiltzailearen arretarako bulegoetan edo Algortako Juan Bautista Zabala kalean dagoen Viajes Ecuador izeneko bulegoan egin daitezke. Argazkian, hainbat lagun eskiatzen / cc-by Egizu!