Kontuan hartuko diren ezaugarrietako batzuk izango dira, besteak beste, jarduera gauzatzeko antolakuntza aldetik egindako ahalegina, giza edota ekonomiaren ikuspuntutik hartuta; getxoztarren artean kirola sustatzerako orduan jarduerak izandako eragina; emakumezkoen kirola sustatzerako orduan izandako eragina edo Udalaren kirol-politikan izandako esku hartze maila (eskola-kiroleko edo "Getxo" marka programatan). Halaber, kontuan hartuko da aniztasunaren trataera, hizkuntzaren normalizazioa, hizkuntza ez-sexista erabiltzea, eta etorkinak eta pertsona desgaituak integratzeko jarduerak sartzea.
Deialdi honetan tresna bat aurkeztu da nobedade gisa, udalerriko kirol erakundeei beren kudeaketaren gaur egungo egoeraren gaineko diagnostikoa egiten laguntzeko diseinatuta dagoena. Horrez gain, epe labur, ertain eta luzera plan estrategikoak garatzen ere lagunduko die. Tresna hori kirol kudeaketaren 9 alderdi nagusitara mugatzen da: erabilitako estrategiak; pertsonak eta lan-taldeak; baliabideak; metodoak; komunikazioa; emaitzen ebaluazioa; genero-politikak, euskararen erabilera eta baita erantzukizun sozial korporatiboa ere. Ebaluazio-prozesua borondatezkoa izango da 2010. urtean eta eskatzen duen erakunde orori emango zaio.
Euskararen sustapena
Halere, eta Euskara Biziberritzeko Plan Nagusiaren barnean, 2010 urterako 20.000 euroko diru kontu-saila aurreikusi da 8-12 urte arteko umeen ohiko kirol prestakuntzan euskara sustatzeko. Hartzaileak Getxoko kirol elkarteak eta deialdi orokorrean onuradun bezala aurkeztu ahal diren guztiak dira. Kontuan hartuko da ume kopurua entrenamenduetan; egunean egindako orduak eta entrenamenduen iraupena urtean zehar, edo entrenatzaileen euskara gaitasuna, besteak beste.
Otsailaren 15era arte egongo da zabalik Getxoko Udalak, urtero, bertoko kirol elkarteei ematen dizkien diru laguntzak eskatzeko epea. 2010 urterako aurrekontua 420.000 eurokoa izango da. Halaber, beste 20.000 euro aurreikusi dira jarduera horietan euskara sustatzeko. Subentzio horiek bideratuko dituzte, izaera egonkorra duten kirol jarduerak edota urteko lehiaketak eta jarduera fisiko eta jolas-jardueren eta herri-kirolen bitartez guztiontzako kirola sustatzea helburu duten kirol ekitaldiak gauzatzera. Horren guztiaren helburu nagusiak dira, besteak beste, getxotarren gaitasun fisikoak eta osasun-baldintzak hobetzen laguntzea, tokiko kirol-instalazioen erabilera, kirola egiteko parkeen eta berdeguneen aprobetxamendua eta boluntariotza sustatzea, udal iturriek zehaztu dutenez. Eskabideak Getxo Kirolak erakundearen erregistroan, Getxoko Udaleko Erregistro Orokorrean edo Getxoko herritarren arretarako bulegoetan aurkeztu beharko dira. Informazioa eta eskabideen ereduak eskuragarri daude Udalaren web orrian (www.getxo.net). Argazkian, "Getxo" markadun taldea izatea ere kontuan hartuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun