Ikusi astelehenean Leioan egindako elkarretaratzearen bideoa, Koska irratiak ekoiztuta:
Asel Luzarraga (Bermeo, 38 urte) idazlea eta Euskal PEN Klubeko zuzendaritza batzordeko kide behin-behinean espetxera bidali zuen atzo Txileko Auzitegiak, "Busturialdeko Hitza"-k jakinarazi zuenez. Temuco eskualdeko Justizia idazkaritzaren aurka atentatua egiten saiatzea leporatzen diote; baita etxean lehergaiak edukitzea ere. Bitartean, ehunetik gora lagun bildu ziren herenegun, hilak 5, Bermeon, bere askatasuna aldarrikatzeko, Askapenak zabaldu duenez. Bermeoko bere lagunen eta herritarren artean idazle ezagunak ere bertaratu ziren hala nola Edorta Jimenez mundakarra edo Laura Mintegi algortarra. Argentinan Buenos Aireseko Aselen Lagunek bere askatasuna aldarrikatzeko ekitaldia egin zuten Txileko enbaxadaren aurrean eta Uruguaiko Euskal Herriaren lagunek Montevideoko Txileko kontsulatuan ere Aselen berehalako askapena eskatu dute gutun (Askapenak zabaldutako informazioan irakurgai) baten bidez. Asel Luzarraga idazle, blogari, abeslari eta kazetaria abenduaren 31n atxilotu zuten Txilen, WallMapun. Argibide gehiagorako: Asel Askatu!. Argazkian, Bermeoko elkarretaratzea / © Askapena. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun