Prebentzioko neurriak:
• Ate, leiho eta toldoak itxi eta ondo tinkatu.
• Kendu loreontziak eta kalera eror daitezkeen gauza guztiak.
• Aldamio, garabi eta obrako beste elementuak tinkatu.
• Kanpoan egotekotan, urrundu erlaitz, murru, zuhaitz edo publizitate-hesietatik, eta kontuz ibili egiten ari diren etxeen edo kolokan dauden eraikinen aurretik.
• Bidaiatuz gero, saiatu errepidez ez bidaiatzen, bestela, kontu handiz jokatu beti. Aurretik, jakinaren gainean egon zer-nolako eguraldia izango den zu zoazen leku horretan edo pasako dituzun lekuetan.
• Itsas ondoan bazabiltza, urrundu hondartzatik eta haize handiaren eraginez sor daitezkeen marea eta olatu handien kolpea jasotzen duten lekuetatik.
• Saiatu itsasontzirik ez erabiltzen eta berrikusi amarrak. Inola ere ez egin uretako kirolik.
Gaurko iragarritako 120 kilometro orduko haize-boladen aurrean, Eusko Jaurlaritzaren Herrizaingo Sailaren aholkuak betetzea gomendatu du Getxoko Udalak. Horrela, "haize zakarraren etorreraren eta itsas arriskuaren aurrean ondorio txarrik ez izatea edo ahalik eta arriskua gehien murriztu" nahi du tokiko erakundeak. Era berean eta Herrizaingo Sailak esandakoari jarraituz, Algortako Fadura eta Itzubaltzeta / Romoko Gobela kiroldegietako kanpoko instalazioak itxita egongo dira gaur. Larrialdi bat egitekotan, berriz, 112 SOS Deiak-era edo Getxoko Udaltzaingoaren 944 660 202 telefono zenbakira deitzea eskatu dute. Argazkian, eguraldi egokiagoa izan arte itxaron beharko dute Faduran tenisean aritu nahi direnek / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun