Gaur jarraituko dute "Euskaldunon Egunkaria" kazetaren itxierari buruzko epaiketarekin Espainiako Auzitegi Nazionalean. Saioa 10:00etan hasiko da, eta akusazioak eskaturiko lekukoek hitz egingo dute epaimahaiko kideen aurrean. Guardia zibilen deklarazioez gain, Carmen Gisasola, Jose Luis Alvarez Santacristina "Txelis" eta Jose Mari Dorronsoro euskal presoek gaur deklaratzea espero da. Ustez Egunkaria-ri buruzko dokumentuak atzeman zizkieten hiru haiei atxilotu zituztenean. Xabier Oleaga Erandioko semea, Martxelo Otamendi, Iñaki Uria, Txema Auzmendi eta Joan Mari Torrealdai epaitzen ari dira auzi horren barruan, "ETAko kide izatea egotzita". AVTk 14na urteko zigorra eskatzen du bost akusatuentzat. Berria.info agerkari digitalak zuzeneko testu kontakizuna egingo du gaur ere. Argazkian, Xabier Oleaga erandioztarra abenduaren 19ko nazio manifestazioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun