Haur eskolak guztiz hornituta dauden 8 gela ditu: 4 gela, 0 eta urte 1 bitarteko umeentzat (8 ume gelako) eta beste 4 gela, 1 eta 2 urte bitartekoentzat (13 gelako). Etorkizunari begira, antzeko beste instalazio batzuk zabaltzeko asmoa du Itzubaltzeta / Romon Udalak.
Ikusi prentsaurrekoaren bideoa:
Atzo, astelehena, hasi ziren lanean Egunsentia haur eskolan, Getxo udalerrian lehenengoa eta "dituen ezaugarriengatik Euskadin handienetarikoa dela", udal iturrien arabera. Algortako Foru kaleko 16 zenbakian kokatuta dago, eta 0 eta 2 urte bitarteko 84 umeentzako tokia edukiko du. Momentuz, 35 umeekin jarri dute martxan eta urtarrilaren 18tik 29ra izena emateko beste epe bat zabalduko da, hutsik dauden 49 tokiak betetzeko, otsaila eta maiatza arteko epealdirako. Hezkuntza zentro berria zabaltzeari "udalerriaren modernizazio prozesuan beste mugarri bat" jartzea deritzo Imanol Landa alkateak (mp3). Udalak lokalak utzi eta horiek birmoldatu eta egokitzeko 410.000 euro jarri ditu. Halaber, etxetresnak, altzairuak, eta osagarriak erosteko 40.000 euro gehiago gastatu ditu. Era berean, eta beste ikastetxe publikoekin eta itaundutakoekin egiten duen bezala, mantentze gastuak ere ordainduko ditu aurrerantzean. Haurreskolen Partzuergoak, bere aldetik, hezitzaile espezializatuak ipiniko ditu, 16 guztira (8 jardunaldi osoa egiteko eta 8 lanaldi erdia egiteko). Argazkian, besteak beste, Begoña Ezkurra Hezkuntza zinegotzia eta Imanol Landa alkatea (eskuinean) ostiralean haur eskolara egindako bisitan / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun