Travellin' Brothers boskoteak sei urte daramatza bluesa Euskal Herrian zabaltzen, pianoa, armonika eta airezko beste instrumentu batzuen soinu gozoen bidez ikusleria dantzan jarri ohi dutela. Aitorrez gain, beste taldekideak honakoak dira: bere anaia, Eneko Cañibano baxu-jotzailea, bere lehengusu eta leioaztarra den taldekide bakarra, Jon Kareaga "Bear" abeslaria, Isi Redondo bateria, eta Ander Unzaga teklatu jolea.
Bill Lyerlyk Gasteizko Estitxu tabernan emandako kontzertuan abestutako "Highway of pain" eta "You'vegot to hide your love away" kanten bideoa
Travellin Brothers-ek egindako "I'm Tore Down" abesti klasikoari buruzko bertsioaren bideoa
Leioa eta Bilboko Travellin Brothers blues taldeak kontzertua eskainiko du bihar iluntzeko 8etan. Emanaldia Leioako Kalian aretoan izango da, Iturriondo kaleko 2. zenbakian, baina etxekoak eta beraien "Red Hot & Blue" hirugarren diskoa ez dira protagonistak izango. Izan ere, Bill Lyerly Band Estatu Batuetako rhythm&blues musika taldearen emanaldia ere ikusteko aukera izango da. Bill Lyerly hamaika urterekin hasi zuen jotzen, garaiko musika rock eta blues ingelesak bultzatuta. 1980an RCA diskoetxearekin kontratua sinatu eta musika grabatzeari ekin zion, tartean egun ezagunak diren "Prodigal Son", "Higher Ground", "From the Old School", "Railroad Station Blues", "Cobalt Blues", "Motel Room Blues", "Requiem Mess" eta "The Twang Years" lanak ekoiztuz. Iaz, Euskal Herritik hainbat bidaia egin ostean, Gaztelupeko Hotsak euskal diskoetxearekin atera zuen "Too hurt to cry" lana. Argazkian, Bill Lyerly / © Gaztelupeko Hotsak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun