Ostiral honetan izango dira 28 urte Jon Bilbao Moro Asuako herritarra preso sartu zutela, Uribe Kostako Amnistiaren Aldeko Mugimenduak Etengabe bitakoraren bitartez gogoratu duenez. "1982ko urtarrilaren 15ean atxilotu, 9 egunez inkomunikatu eta torturatu, eta espetxeratu egin zuten. 28 urte luze hauetan zenbatezinak dira ezagutu dituen espetxeak eta zenbatezinak bere etxeko eta lagunek egin dituzten kilometroak", errepresioaren kontrako erakundeak gaineratu duenez. Gaur egun, Herrialde Katalanetan, Alacanteko Fontcalent espetxean daukate, Erandiotik 800 kilometro ingurura. 2002tik kalean egon behar luke. Egunotan, Euskal Preso Politikoen Kolektiboak (EPPK) daraman borrokaldiaren aldarrikapen zehatz bat dauka: "dagoeneko espetxe zigorra beteta dutenak kalera!". Argazkian, iaz Jon Bilbao Moro eta bere senideak omendu zituzten Astrabuduan. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun