Algortako Egunsentia haur eskolan izena emateko epe berria zabalduko dute astelehenean

Astelehenetik, urtarrilaren 18tik, hilaren 29ra bitartean, Egunsentia haur eskolan izena emateko bigarren epea zabalduko du Getxoko Udalak. Zentro berriak orain dela gutxi ireki ditu ateak eta Foru kalean dago kokatuta, 16. zenbakian. Oraingo honetan, martxoan, apirilean, maiatzean edo ekainean eskolara joateko da izena emateko epea. Eskaerak herritar arretarako bulegoetan bete ahal izango dira eta betebeharrak zein baldintzak bulego horietan edo www.getxo.net-en kontsulta daitezke. 0 eta 2 urte bitarteko 84 umeentzako lekua du Egunsentia haur eskolak. Guztiz hornituta dauden 8 gela ditu: 4 gela, 0 eta urte 1 bitarteko umeentzat (8 ume gelako) eta beste 4 gela, 1 eta 2 urte bitartekoentzat (13 gelako). Argazkian, joan den ostiralean inauguratu zuten Egunsentia haur eskola udal arduradunek / © Getxo.net.