Erabat hunkigarria izan zen atzoko gala. Izan ere, bertoko arraunketan mito diren Imanol Batiz eta Jesus Incera, Algorta eta Raspaseko arraunlariak, hurrenez hurren, "Beti Gurekin" atalean saritu zituztelako. Iaz zendu ziren biak. Beste mito batek, Jose Maria Ortiz de Mendibil nazioarte mailako futboleko epaile ohiak, "Aitzindariak" saria jaso zuen. Sari berezien atalean sarituak izan ziren Alicia Grijelmo (kirol egokitua) "Marka Hautsiz" sariarekin; Nico de Meij "Kiroltasuna" sariarekin, bertoko kirolarekin izandako lotura eta horren alde egindako lanagatik; Garikoitz Fullaondok "Getxo Berrituz" saria jaso zuen, Getxoko futbol eskoletako metodologiaren esparruan egindako lan berritzailegaitik; eta "Getxo Zabala" saria Pako Bartolome Romo Eskubaloi Taldeko presidentearentzat izan da.
"Kirol Berriak" atalean, saritutakoak izan dira, nesketan, Garazi Bilbao beraz gain, Iñigo Zalaya snowboard kirolaria, mutiletan; Getxoko Aixerrota Boleibol Kirol Taldea, Kadete mailan; eta Arenaseko gazte taldea, Ohorezko Mailara igotzeagaitik. Azkenik, Kirol Sariak jaso dituztenak dira: Jaime Bergareche, padeleko munduko txapelduna; Rocio Ybarra, Belar Hockeiko munduko txapelketan parte hartu duelako; Getxo Arraun Taldea, gizonezkoen talderik onena, KAE1ra igotzeagaitik; eta Getxoko Aixerrota Boleibol Kirol Taldeko 19 urtez azpikoen taldea, emakumezkoen talderik onena izan da.
Garazi Bilbao, Getxo Arraun Taldeko arraunlari gaztea, udalerriko 2009ko kirolaririk onena izendatu zuten atzo, osteguna, Algortako Fadura udal kiroldegian ospatu zen “Getxo Sasoi Sasoian” Kirol Sarien hirugarren ekitaldian; bertara bildutako herritarrek, bozketa bidez, hala aukeratuta. Sariok Getxoko Udalak ematen ditu eta, horien bitartez, kirolaren alde eta kirolarentzat lan egiten duten Getxoko pertsonak eta elkarteak saritzen dituzte, tokiko iturrien arabera. Gogoratu behar da Jaime Bergareche padel jokalaria, Rocio Ybarra belar hockey jokalaria eta Iñigo Zalaya snowboarder-a ere urteko kirolaririk onenaren saria eskuratzeko hautagai zirela. Argazkian, kirolaririk onenaren saria Garazi Bilbaoren ahizpak jaso zuen, saritutakoa ezin izan baitzen bildu ekitaldira / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun