Itzubaltzeta / Romoko Ibar Nagusien Etxearen 2010ko ekitaldien egutegia eskuragai dago jada zentroan bertan edo udal web gunean (www.getxo.net). Aisialdiaz gogotsu gozatzeko jardueren artean aipatzekoak dira, besteak beste, Benidorm (maiatzaren 16tik 30ra) eta Blaneseko (irailaren 19tik urriaren 3ra) 15 eguneko egonaldiak; Tolosara, Alfarora, Ondarroara, Urretxura, Galiziara, Hondarribia-Baionara, Elizondo-Lesaka-Berara irteera kulturalak; ibilaldiak mendian, Andorran (ekainaren 14tik 18ra) eta Rio Loboko arroiletan (irailaren 14 eta 15ean); eta museotara egingo diren bisitaldiak. Faltan ere ez dituzte izango Nagusien Etxeko bazkideek ohiko txapelketak (briska, tute, mus, billar, domino, damak, xakea, petanka eta igel-jokoa), hitzaldi informatiboak, ikastaroak (aretoko dantzak, adimenaren bizkortzea, euskara, pintura, nork bere burua zaintzea, argazkigintza, gimnasia, abesbatza, tangoa, sevillar dantzak, esku-lanak eta gimnasia) eta jaiak eta dantzaldiak orkestrarekin. Zentroko kide izan nahi dutenek Getxon erroldatuta egon behar dute eta 60 urtetik gora izan. Argazkian, Itzubaltzetako aitona-amonak gimnasia egiten / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun