Baina badakigu hizkuntza gutxituak akabatzeaz harro dagoen oilarraren berri. Eta espero dut islamistek mendekatuko dituztela "egalite"-ak isildutako munduari begiratzeko begi ezberdinen hilketak.
Portugalena, ostera, zaila egiten zait ulertzen. Espainiari dion beldur historikoaz harago, prefosta.
1143. urtean onartu zuen Gaztelak Portugalen independentzia. Eta, hala ere, 1580. urtean, errege eta odol aitzakiak bitarteko zirela, Albako duke maiteak portugaldarren odolez margotu zituen Lisboa ondoko Alcantarako lurrak. Espainiar erregea ezarri zuten indarrez, portugaldarrek eurek "endekapen sasoia" deitzen duten aldian. 1640. urtean armetan altxatu zen Portugal. Eta soilik Montijo, Ameixial, Castelo Rodrigo, Montes Claros eta beste hainbat borrokalditan lurra euren odolez zikindu ostean erabaki zuten espainiarrek hobe zela bertako jendea bakean uztea. Krudela da Espainiarekin harremana izan duten herri guztien esperientzia.
Zelan ukatu liezaiokete inori beraiek egin zuten gauza bera egitea? Ez badira damutzen euren buruaren jabe izateaz, zergatik dauzkate gaizkiletzat militante armatu independentistak?
Amnesia.
Fredi Paya bertsolari algortarrak pasa den ostiralean "Berria" egunkarian argitaratutako artikulua.
[© Fredi Paya - Berria.info] Badira egunkarian ikusten dituzunean bihotza apurtzen dizuten argazkiak. Soilik aurpegia agertzen duten erretratuak dira. Batek daki nongo infernutatik ateratakoak. Gezur eta gorrotoaren errotatibetan ehiztarien txokoetan hormetara atxikirik dituzten basurde buruen funtzio sozial berbera betetzen duten argazkiak. Gorroto dituztenek horrenbeste aireratu eta maite ditugunok ukitze hutsarekin gaizkile bihurtzen gaituzten irudiak. Eidertxurena izan da horietako bat. Ezagutzeaz benetan pozten naizen pertsona. Militante independentisten profil totalitarioa eta sentsibilitaterik bakoa sinetsia duen edonori aurkeztuko niokeen neska. Juridiko eta polizialki gerrara behartutako bihotz handi bat. Okupatuko duen ziega baino askoz hutsune handiagoa utzi duen laguna.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun