Alkateak beste behin esan du “XXI. mendeko Getxo herria eraikitzeko eta berau kultur, gizarte, ekonomi eta kirol ekipamendu oso garrantzitsuez hornitzeko abiatutako eta Udalak buru duen prozesuak herritarren beharrak asebeteko dituela aipatu arlo guztietan, gure herritarrak zorrotzak badira ere”. Landak gogoratu duenez, dagoeneko abiatutako proiektuen eta datozen hilabeteetan hasiko diren egitasmoen artean 50 milioi euro inguru inbertituko dira, "Udalaren diru-kutxaren kontura". Halaber, beste instituzio batzuk hainbat proiektutan egin asmo duten "inbertsio garrantzitsua" nabarmendu du, berbarako BiscayTIK proiektuan.
Kiroldegiko teilatuko lanak udaberrian amaituko dituzte
Bi agintariek, Cabiecesek eta Landak, bisitaldia egin dute gaur Andra Mari udal kiroldegira, denboraren poderioz eta eguraldi txarraren eraginez hondatuta dagoen teilatua konpontzeko obrak egiten ari baitira. Lan horiek, hain zuzen ere, E Planaren kontura egiten ari dira eta euren aurrekontua 560.000 eurokoa da. Proiektua, alkate getxoztarrak aitortu duenez, atzeratu egin da, bere hitzetan, "pasa den udazkenean euskal kostaldean izandako haize ufada eta euri jasa handien eraginez". Eguraldi txarrak kirol instalazio horretako kanpo aldean egin beharreko lanak oztopatu ditu, Landak aipatu duenez. Horregatik, Udalak lanak apirila arte luzatzea eskatu zion administrazio zentralari, eta gobernu ordezkariak baieztatu duenez, onartu egin dute eskaera. Hartara, lanak datorren udaberrirako amaituko dituzte.
Udalaz kanpoko erakundeetatik etorritako "azken euroa ere" aprobetxatuko dutela esan du gaur Imanol Landa alkateak, "Getxo udalerriak azken hamarkadetan bizi izandako berriztatze eta eraldatze prozesurik garrantzitsuenari, 2010ean ere, eusteko". Adierazpen horiek goizean bertan egin ditu tokiko agintariak, Espainiako Gobernuak Araba, Bizkaia eta Gipuzkoan duen ordezkari Mikel Cabiecesekin batera, Tokiko Inbertsiorako Estatu Funtsaren barruan dagoen E Planaren kontura Andra Mari udal kiroldegian egiten ari diren lanetara egindako bisitaldian. Gobernu ordezkariak, bere aldetik, E Planaren "garrantzia eta arrakasta" nabarmendu ditu, “horri esker 2009an Euskadin 15.700 lanpostutik gora mantendu edo sortu ahal izan direlako". Gaineratu duenez, 2010ean 233 milioi zuzenduko dituzte, "enplegua sortzeaz gainera, ingurumen, ekonomia eta gizarte esparrutan jasangarritasuna bilatzeko“. Programa horren harira, Cabiecesen esanetan, Espainiako Gobernuak 613 milioi euro zuzendu ditu Araba, Bizkaia eta Gipuzkoako udaletara, eta horietatik, 23 milioi, Getxori dagozkio, bi urtean, 2009an eta 2010ean inbertsioak egiteko. Argazkian, Landa eta Cabieces, elkarren artean hitz egiten. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun