Urtarrilaren 16an, bere anaia Arkaitz bisitatzera joan zen Alacanteko Villena espetxera Zigor Goikoetxea Azkorriko gaztea. Baina, espetxezainen miaketari uko egin eta, protestan, haien aurrean biluztu ostean, aurrez aurreko bisitarik gabe utzi zuten, Zigorrek berak Koska irratiari azaldu zionez (mp3). Hori jakin zutenean, Euskal Preso Politikoen Kolektiboaren gainontzeko kideek ateak kolpatu eta bukatutzat eman zituzten bisitak. Salaketa ere jarri zuen epailearen aurrean gazte getxoztarrak. "Orain, Villenako espetxeko zuzendariaren jakinarazpen bat eman diote Arkaitzi, egun horretan gertatutakoagatik hiru hilabetez anaiak bisitatu ezin duela esanez", Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Argazkian, auzokide bat Zigorren anai Arkaitz Goikoetxearen argazkia sostengatzen, aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun