Leioaztarrek zabaldutako oharra:
Espainiar eta frantziar gobernuek abian duten errepresio estrategiaren bidez muturrera eraman dute espetxeetako egoera. Euskal preso politikoak jazarpen eta presio izugarriaren jomuga dira.
- Sakabanaketa politikak indarrean dirau, eta bisitetarako joan etorrietan egin beharreko milaka eta milaka kilometroak istripuak eragiten jarraitzen dute. Hamabost hilabetean behin senide bat hiltzen da errepideetan.
- Minbizia edo eskizofrenia bezalako eritasunak dituzten euskal preso politikoak espetxean preso mantentzen dituzte, heriotza zigorraren marrara eramanez herritar hauek.
- Kondena betea duten euskal preso politikoak espetxean mantentzen dituzte, praktikan biziarteko espetxe zigorra legeztatu dutelarik. Eskualde honetan, zehazki Astrabuduan jon Bilbao Mororen kasua daukagu, zeinek urtarrilaren 15ean 28 urte bete ditu kartzelan.
- Egoera hauez gain isolamendua, bakartzea, lekualdatzeetan emandako jipoiak eta egunerokotasunean ematen diren eskubide urraketak pairatu behar dituzte euskal preso politikoek.
- Senideen aurkako jazarpena ere areagotzen ari dira. Ondorioz, aurrez aurreko bisitetara sartu ahal izateko jasan behar dituzten miaketei uko egin ondoren senide eta preso asko bisitak galtzen ari dira asteotan.
Presoei izaera politikoa ukatzen dieten bitartean beraien aurka hartzen ari diren muturreko neurriek agerian uzten dute ukatua zaien izaera politikoa bera. Euskal Preso Politikoen Kolektiboa ezabatu nahi dute, horretarako presoak pertsona bezala suntsitzeko ahaleginetan dabiltzalarik.
Egoera anker honen aurrean borrokaldian aurkitzen dira euskal preso politikoak. Hilabete honetako bigarren asten itxialdia burutu dute eta aste honetan gose greban aurkitzen dira. itxialdi, baraualdi, planto edo komunikazio grebekin aurre egingo diete espainiar eta frantziar gobernuak euskaldunen neurrira eraikitako Guantanamo erraldoiari.
Ekimenak Leioan:
Urtarrilak 25, astelehena
11:00 Kontzentraziao Bulebarrean.
12:00 Esku-orrien banaketa. Murala Plaza Gorrian.
20:00 Kontzentrazioa.
Urtarrilak 27, asteazkena
20:00 Kontzentrazioa bulebarrean.
Urtarrilak 28, osteguna
11:00 Esku-orrien banaketa Eroskin.
17:00 Esku-orrien banaketa Artean.
Urtarrilak 29, ostirala
12:30 Kontzentrazioa Bulebarrean, LABek deituta.
20:00 Azken ostiraleko kontzentrazioa.
Euskal preso politikoen aldeko gose greba egingo dute Leioan eta Itzubaltzetan
Urtarrilaren 11n hasitako itxialdia hilaren 15ean amaitutzat eman zuten Euskal Herriko, Espainiako eta Frantziako espetxeetan diren Euskal Preso Politikoen Kolektiboaren (EPPK) kideek. Hilaren 18tik 22ra, berriz, salaketa astea egin zuten eta, gaur bertan, gose grebari ekin diote. Gauzak horrela, leioaztar talde batek, kolektiboaren borrokaldiarekin bat egin eta Leioan bertan izango diren ekimenetan parte hartzera deitu dituzte herritarrak. "Beraien aldarrikapenak ezagutarazteko helburuarekin gose greba egitea erabaki dugu", azaldu dutenez. Gaur bertan, kontzentrazioa egin dute goizeko 11etan Bulebarrean, eta gauza bera egingo dute 20:00etan. Eguerdiko 12etan, berriz, esku-orriak banatu dituzte; eta Plaza Gorrian horma-irudia marrazten ibili dira. Leioako ekimenak ostiralera arte luzatuko dira, 12:30ean eta 20:00etan elkarretaratze bana eginez. Egun horretan baita hileko azken ostirala. Bitartean, Itzubaltzeta / Romon, ostiraletik igandera egingo dute gose greba. Larunbatean, berriz, 13:30ean abiatuko da kotxe karabana Branka herriko tabernatik. Eta igandean, kontzentrazioa egingo dute, 19:00etan, Kolas plazan. Argazkian, euskal presoak Euskal Herriratzeko aldarria eskualdeko etxe batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun