Otsailaren 6rako, larunbata, “Oroimen Historikoa eta Feminismoa. Emakumezkoen / Feminismoaren jatorrizko aztarnak” izenburuko jardunaldia antolatu du, Ondarroan, Bizkaiko Jabekuntza Eskolen Sareak. Ekimenak goizeko 11etan abiatuko dira, Miren Llona (Historian doktoratua) eta Zaida Fernandez (soziologoa, gizarte ikerlaria eta Feminismo masterra) hizlarien eskutik. Ondoren, eztabaida eta jardunaldiaren amaiera izango dira. Llonak berak genero identitateen eraikuntzari buruzko ikastaroa emango du apirilean Getxon. Baina urrunegi joan barik, aipatu larunbatean, jardunaldian parte hartu nahi duten emakume getxoztarrek herritarren arretarako edozein bulegoan izena eman dezakete; edo berdintasuna[abildua]getxo.net e-posta helbidera idatziz. Getxoko Udalaren Berdintasun Zerbitzuak ekimenera joateko doako autobusa antolatu du. Irteera goizeko 9etan izango da Algortako Telletxe kaletik (metroaren parean). Autobuserako izenematea otsailaren 1ean amaituko da. Argazkian, Keltse Eiguren Berdintasun zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun