Asteazken honetan, urtarrilak 27, Leioa eta Athletic futbol taldeen arteko norgehiagoka hartuko du Sarrienako futbol zelaiak. Partida 19:30ean hasiko da. Udal iturriek adierazi dutenez, bazkideek, harpidedunek eta 18 urte beherakoek doan sartzeko aukera izango dute, gainontzekoentzat sarrera 5 eurokoa izango da. Bestalde, Espainiako Futbol Federazioko arduradunek Jonas Ramalho Bilbao Athleticeko atzelari itzubaltzetarra deitu dute, 17 urte azpiko espainiar selekzioak otsailaren 1etatik 3ra Las Rozasen (Madril, Espainia) egingo dituen lan saiotarako. Nestor Salinas eta Iñigo Ruiz de Galarreta zurigorriek lagunduko dute. Gogoratu, Joaquin Caparros entrenatzaileak abenduan Ramalho Athleticen lehenengo taldera deitzearekin batera, Resistencia Norte delako talde ultraeskuindarrak eduki arrazista petoko adierazpenak egin zituela. Argazkian, Jonas Ramalho / © Athletic.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun