Itzubaltzetan hasitako obren lehen fasean, Kresaltsu kalean moztuko dute trafikoa, Kalamua eta Santa Eugenia kaleen artean. Trafiko etete horrek hilabete eta erdi iraungo du, eta horren eraginez, Kalamua kalean norabidea aldatuko dute. Santa Eugenia kalean sartzeko norabidea ere aldatu egingo da, Urkizu eta Kresaltsu kaleen artean. Zamalanetarako bakarrik sartu eta atera ahal izango da, Amalloa kaletik. Lanak epeka egingo dituzte eta Udalak trafiko etete eta norabide aldaketei buruzko informazio zehatza emango du (bai hedabideen bitartez, bai atalondoetako postontzien bitartez...).
Urkijon ere zirkulazio aldaketak
Bestalde, “Gobelondo eta Urkijo kalean plataforma bakarra egiteko” lanak ere ostegunean hasiko dira, eta horiek, aurrekoen antzera, zirkulazioan aldaketak eragingo dituzte. Hain zuzen, Urkijo kalea itxiko dute ibilgailuentzat, bi hilabeteko zolatze lanak amaitu arte, Andres Larrazabal eta Club kaleen artean. Garajeetan eta zamalanetarako guneetan Club kaletik sartu ahal izango da. Lan guzti horiek eragin ditzaketen trabak ulertzea eta barkatzea, eta seinaleei adi egotea eskatu die herritarrei Udalak.
Ostegun honetan, urtarrilak 28, hasiko dira Itzubaltzeta / Romoko kolektore orokorra Kresaltsu eta Santa Eugenia kaleetan berritzeko lanak. Gauzak horrela, zirkulazioan ahalik eta traba gutxien eragiteko asmoz, lanak egiten dituzten tarteetan ibilgailuen joan-etorriak eten egingo dituzte eta inguruko kaleetan ere norabide aldaketak izango dira horren eraginez, Getxoko Udalak jakinarazi duenez. Udal saneamendu sarea hobetzeko planaren harira egingo dira obra horiek eta, Itzubaltzetan ez ezik, herriko beste auzo batzuetan ere eragina izango du, hala nola, Neguri, Makaleta, Maidagan, Sarrikobaso, Aldapa, Ollarretxe eta Ereagan. Horien artean nagusiena, aurrekontuari dagokionez, 1.369.000 euroko aurrekontua baitu, Kresaltxu eta Santa Eugenia kaleetan egingo dena da, hain zuzen ere. Lanak guztira 10 hilabeteko iraupena izango dute, tokiko iturrien arabera. Argazkian, behargin bat estolderia ikuskatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun