Berrogei minutu beranduago, 21:00ak aldera, beste mobilizazio bat gelditu zuten ertzainek. Itzubaltzeta gaztetxetik irten eta 100 metro besterik egin ez zutela, 130 bat gazteri bidea moztu zioten Gorbeia mendia eta Serantes mendia kaleetako errotonda ondoan. Ordurako, Brigada Higikorreko ("beltzak") beste bi furgoneta helduak ziren lekura. Bi lagun identifikatu, kargatzeko mehatxuak eta tentsio une luzeen ostean, "Erromoko bost gazte epaituak. Nortzuk dira kriminalak?" lelopeko martxak aurrera egin ahal izan zuen, espaloitik eta ertzainak atzean beti ere. Irain bezala uler zezaketen edozein oihu entzunez gero martxa indarrez disolbatuko zutela iragarri zuten ertzainek, "adierazpen askatasuna" oihuen artean.
Itzubaltzeta gaztetxearen etorkizuna kolokan
Lau lagun identifikatu ditu Ertzaintzak Itzubaltzetan egindako bi protestetan
Ertzaintzak bina pertsona identifikatu zituen atzo iluntzean Itzubaltzeta / Romon egindako bi mobilizazioetan. Presoen aldeko zein lehenengo Itzubaltzeta gaztetxeko desalojoan auziperatutako lagunak sostengatzeko protestetan, agiria eman zuten lagunak salatzeko eta kargatzeko mehatxuak egin zituzten poliziek. Gainera, bi mobilizazioetan parte hartu zuten auzokideak bideoz grabatu zituzten. Atzo, hileko azken ostiral guztietan bezala, Etxerat elkarteak deituta, elkarretaratzea zen egitekoa Ibaiondo kalea eta Xake plaza batzen den puntuan. Baina, ekimena abiatzeko orduan, 20:00etan, Ertzaintzaren furgoneta batek lekua hartuta zeukan. Kontzentrazioa komunikatuta egon arren, partaideek lekuz aldatzea erabaki zuten, "arazoak ekiditeko". Horrela, Santa Eugenia plazan batu ziren 70 bat lagun, "Gureak direlako euskal presoak etxera" lelopean. Hogei minutu beranduago baina, poliziak bertaratu ziren eta pankarta sostengatzen zuten bi lagun identifikatu ostean guztiak bideoz grabatu zituzten. Ondoren, alde egiteko agindua eman zieten, hori egin ezean identifikatutako lagunen aurkako karguak bideratuko zituztela esanez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun