Orain lau hilabete izan ziren bost urte Ertzaintzak Itzubaltzeta / Romoko Santa Eugenia kalean zegoen gaztetxea hustu zuenetik. Egun Errekagane kalean lekutzen dena bezala, Itzubaltzeta zeukan izena. 2004ko irailaren 27ko goiz horretan gogor aritu ziren poliziak, gune autogestionatuaren barruan zeuden lagunei babesa emateko bildutako dozenaka neska-mutil, heldu zein agure sakabanatzen. Orduan identifikatutako gazteetatik bosti, orain heldu zaie epailearen aurretik igarotzeko aldia.
Itzubaltzeta gaztetxearen etorkizuna kolokan
Itzubaltzetako bost auziperatuak babestu dituzte herriko gazteek
Gaur goizeko 10:30etik aurrera Bilbon epaituko dituzten Itzubaltzeta / Romoko bost gazteei beren babesa eskaini zieten dozenaka gaztek pasa den ostiralean. Lehenengo Itzubaltzeta gaztetxearen desalojoan, 2004 irailaren 27an, "ordena publikoa nahastea, agintaritzari desobeditzea eta irain delitua" egitea leporatu dizkietela, herriko gazteek agerraldi bateratua (mp3) egin zuten, propio, bigarren Itzubaltzeta gaztetxean. Bertan, herriko kolektibo, koadrilek eta auzokideek salatu zuten "epaiketa fartsa" eta erakundeei "espekulatzaile hutsak" izatea leporatu zieten. Bestalde, desalojoaren egun hartan bortxakeria erabili zuen bakarra Ertzaintza izan zela gogoratu zuten. Ostiralean ere, gaztetxetik 130 lagun atera ziren manifestazioan eta kargatzearekin mehatxatu ostean, hainbat baldintza ezarri zizkien Ertzaintzak. Auziperatuek 21 hilabeteko espetxe zigorra eta milaka euroko isuna eskaera banari egin beharko diote aurre. Goizeko 10etan, elkarretaratzea deitu dute Bilboko Buenos Aires kaleko epaitegien aurrean. Argazkian, hainbat gazte erakutsi zuten epaiketaz pentsatzen dutena. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun