Gurutzeta ospitalera eraman behar izan dute gaur Sopelan auto istripua izan duen emakume bat. Herrizaingo Sailak jakinarazi duenez, ezbeharra goizeko 12:30ak aldera jazo da, Bi-2120 errepidean, Sopelatik Plentziara doana. Oraindik jakitera eman ez diren arrazoiak direla eta, Volkswagen Passat turismo batek eta Audi A3 modeloko auto batek talka egin dute, hainbat zauritu sortuz. Ertzaintzak zabaldu duenez, egoera larrienen zegoen pertsona, 57 urteko emakume bat, anbulantziaz eraman dute Gurutzetako ospitalera. Bestalde, pasa den igandean Ertzaintzak gidari bat atxilotu zuen Erandion, alkoholaren eraginpean gidatzen zuelakoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun