Haize-bolada bortitzak eta olatu handiak izateko arriskuaren aurrean, eta eragin ditzaketen ondorio kaltegarriak prebenitzeko eta arintzeko, Eusko Jaurlaritzako Larrialdiei Aurre egiteko Zuzendaritzak eta Babes Zibilak badaezpadako neurriak hartzea gomendatu die herritarrei: besteak beste, itsas pasealekuetara, kai-muturretara edo itsaslabarretara ez hurbiltzea; ibilgailurik ez gidatzea kostaldetik gertu dauden errepideetatik; urpean igeri egiteko asmoa izanez gero, bertan behera uztea; eta ez ontzirik erabili, ezta amarrik aztertu ere, ur kirolik ez egiteaz gain.
Larrialdi baten aurrean hartu beharreko neurriei dagokienez, itsasora eroriz gero, olatuak lehertzen diren tokietatik urrundu behar da, eta ondoren laguntza eskatu eta erreskatatu arte itxaron.Olatuek norbait eramatekotan, lasaitu egin behar da, eta ez igeri ur-lasterraren kontra, kostaldeko lasterrek indarra galtzen baitute beste tarte batzuetan. Larrialdirik izatekotan SOS Deiak 112ra deitu behar da.
Herrizaingo Sailak alerta ezarri du gaur, haizearengatik, eta bihartik igandera arte, olatuen indarra dela eta
Eusko Jaurlaritzako Herrizaingo Sailak alerta horia ezarri du gaur, haizearengatik, eta ostiraletik igandera bitartean, olatuen indar handia dela eta. Gainera, larunbatean maila laranjara aldatuko dute alerta. Euskalmet Meteorologiaren Euskal Agentziak egindako iragarpenen arabera, gaur eguerditik gauerdira bitartean, mendebalde eta hego-mendebaldeko haizeak 100 kilometro orduko abiadura gaindi lezake haizeguneetan. Iragarpen horien arabera, bihar alerta horia itsasaldeko arrisku bilakatuko da, olatuen altuera 3,5 eta 5 metro inguruan ibiliko baita. Larunbatean eutsi egingo diote alerta horiari, baina goizean eta arratsaldean maila laranja ezarriko dute, 6-7 metroko olatuak iragarri baitira. Igandean maila horia ezarriko dute berriro. Herrizaingo Sailak alerta egoeraren berri eman die SOS-Deiak 112ren bidez larrialdietarako zerbitzuei eta Araba, Bizkaia eta Gipuzkoan zerbitzu publikoan diharduten enpresei. Halaber, aholku batzuk helarazi dizkie, prebentziorako beharrezko neurriak har ditzaten. Argazkian, hainbat lagun itsasontzi bat lotzen aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun