Astelehen honetan, otsailak 8, hasiko dira Getxoko Maidagan kalea, Zientoetxeko antzinako errepidea, Benta eta Aizkorri hondartzaren arteko zatian egokitu eta zaharberritzeko lanak. Hasiera batean, saneamendu obrak egingo dituzte, Azkorriko hondartzako aparkalekua eta Dilizko estrataren artean. Horregatik, erreil mozketak egingo dira, bidea txandaka emanez, udal iturriek zehaztu dutenez. Gogoratu, 2,3 kilometroko errepidearen zati hori, Bizkaiko Foru Aldundiak laga eta gero, Udalaren eskumenekoa dena, hiribide izango dela bere osotasunean. Hiribide berriaren gaineko proiektuak, asfaltatze berria egin, oinezkoen pasabide goratuak ipini eta bi kilometroko bidegorria egokitzea aurreikusten du. Lan horiek amaitzeko epea 6 hilabetekoa da eta 1.300.000 inguru eurotan esleitu dituzte. Udaletik eskatu dute, arren, obra horiek direla eta ipiniko duten seinaleztapenari adi egoteko. Lanek aurrera egin ahala, gerta litezkeen aldaketen berri emango dute. Argazkian, Bentan hasi eta Azkorriko hondartzan amaituko dira lanak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun