Zegokien lau bikoteko ligatxoan nagusituz, finalerako 16 txarteletako bat lortzeak emandako lasaitasunarekin, txapelaren bila jo eta su aritu ziren Gallastegitarrak. Lau ordu t'erdiz jardun ostean, azkenean txapela Markinara eraman zuten, 2 eta 0 galtzen hasi ostean Zaratamokoen aurkako partidari buelta emanda.
Euskal Herriko II Mus Txapelketa Orreaga eta Iparra-Hegoa elkarteek eta Bai Euskal Herriari ekimenak antolatu dute. Besteak beste, AEK, "Berria", "Gara", "Deia" eta Info7 irratiak laguntzen dute.
Pasa den larunbatean jokatu zen Durangon Euskal Herriko Mus Txapelketaren Bizkaiko kanporaketa. Bertan, eskualdeko bederatzi bikote izan ziren, sailkatutako seiak zein azken uneko bajak estaltzeko berreskuratutako beste hiru bikote. Guztira, Plateruena kafe antzokian Bizkaiko 17 udalerritako 32 bikote bildu ziren, sekulako giroan. Haien artean, Markinako Patxi eta Juan Inazio Gallastegitarrak nagusitu ziren, azken partidan Zaratamoko Andoni Etxebarria eta Garikoitz Urkitzaren aurka izugarrizko buelta emanda, gainera. Txapelketaren finala datorren martxoaren 20an jokatuko da, Seguran. Bizkaitik bertara 16 bikote bidaiatuko dira, horietatik lau Uribe Kostatik: "Lubi" eta Juan Angel Lamelas leioaztarrak; Dani Martinez Gaston eta Joseba Basabe sopeloztarrak; Koldo Ortiz de Ginea eta Enrique Noya "Kini" algortarrak; eta Venancio Perez eta Aitor Martin itzubaltzetarrak. Argazkian, azken bi bikoteak Itzubaltzeta / Romoko Branka tabernan jokatu zen kanporaketan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun