UGT sindikatuko Merkataritza Federazioak Lan Ikuskatzailetzaren aurrean jarri dio salaketa Makro handizkako merkatalguneko zuzendaritzari, "azken bi astetan" Erandioko Lutxana-Asua errepidean daukan saltokiko langileen jarduna "bideoz grabatzea" egotzita. Dagoeneko joan den astean adierazi zioten euren "haserrea" enpresari beharginen ordezkariek, "betaurrekoetan integratutako kamerak zeramaten pertsonek langileon irudiak hartzen zebiltzala" enteratu zirelako. Makron gehiengoa daukan sindikatuak gogoratu du horrelako grabaziorik ezin dela egin "beharginei aurretik esan zein beraien baimenik gabe". "Oinarrizko eskubideak urratzeaz gain, lan harreman indibidual zein kolektiboetan arau-hauste larria" suposatzen du aipatu ekintzek, UGTren arabera. Euren hitzetan, "ezin dugu ulertu krisi garai hauetan, zeinetan Makrok lan taldea murrizten ari den —aldizkako langileei kontratua ez berrituz—, zelan bidera dezaketen dirua enplegatuak zelatatzeko". Argazkia: © Makro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun