Otsailaren 15ean, astelehenarekin, “Euskal mitologia tailerra” egongo da 11:00etatik 13:00etara eta 17:00etatik 19:00etara, Kurtzio Kultur Etxean. Izena emateko azken eguna otsailaren 12a da, Uribe Kostako Mankomunitateko bulegoetan. Jarduera hori 6 eta 12 urte bitarteko haurrei zuzenduta dago. Azkenik, Inauteri Asteartean, 18:00etan, zinea egongo da, Kurtzio Kultur Etxean. “Barriola, San Adriango azeria” emango dute. Gonbidapenak egun berean banatuko dira saioa hasi baino ordu erdi lehenago, sarreran.
Mozorro lehiaketa
Izena emateko epea otsailaren 12an bukatuko da, 20:00etan, Kurtzio Kultur Etxean (944 065 505). Mozorro lehiaketa igandean egingo dute, 18:00etan, pilotalekuan. "Epaimahaia kultura eta gazteria arloko arduradunek osatuko dute, eta beraien erabakiak gora jo ezinak izango dira", udal iturriek zehaztu dutenez. Lehiaketa banakoentzat izango da, eta ez da talderik onartuko. Parte hartzaileek desfile ibiltokian zehar desfilatu beharko dute. Partaide bakoitzari zenbaki bat emango zaio, eta desfilearen egunean eraman beharko du. Sariak lau kategoriatan banatuko dira: 0-6 urte, 7-12 urte, 13-20 urte eta 21 urtetik aurrera. Edonork har dezake parte. Desfilearen egun berean ezin izango da izenik eman.
Otsailaren 12tik 16ra bitartean hainbat ekitaldi antolatu ditu Sopelako Udalak, Inauteriak ospatzeko asmoz. Ostiralean, goizeko 9:30ean, Ander Deuna ikastolako ikasleen mozorro desfilea hasiko da. Ikastolatik frontoira arteko ibilbidea burutuko dute. Goizeko 10:15ean, berriz, Zipiriñe eskolako haurren desfilea hasiko da, herrian zehar. Larunbatean, 11:00etatik aurrera, puzgarriak, ludoteka eta tailerrak egongo dira, frontoian. Gainera “Disko txiki festa” egingo da, 18:00etan. Igandean, 13:00etan, “Maite Maitea” VI. maitasun gutunen sari banaketa egingo da, Kurtzio Kutur Etxean. 17:30ean, berriz, mozorro desfilea hasiko da, frontoian. Parte hartzeko Kurtzio Kultur Etxean izena eman beharra dago, otsailaren 12ra arte, 11:00etatik 14:00etara eta 16:00etatik 20:00etara. Edo telefonoz deituta ondoko zenbakira: 944 065 505. Desfilearen ondoren DJ Xaibor-en disko jaia hasiko da. Argazkian, inauteri giroa Sopelan / © Joseba Zubiaur - Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun