Amelia Sanchezen erailketa bihar Algortan salatzera deitu du Bilgune Feministak
Atzo Barakaldon eraildako Amelia Sanchez gogoan, emakumeen aurkako bortxakeriak urteko bigarren biktima eskuratu duela salatzeko elkarretaratzea deitu du biharko, asteazkenerako, Bilgune Feministak. Emakumeen Mundu Martxako Euskal Herriko Plataformaren protokoloari jarraikiz, arratsaldeko 19:30ean egingo dute kontzentrazioa, Algortako Telletxe kalean. Deialdi horrekin bat egin du LAB sindikatuak. Atzo goizaldean, SOS Deiak 112 zerbitzuan telefono-deia jaso zuten, Barakaldoko etxebizitza batean eztabaida bat izan zela eta emakume bat beharbada hilik zegoela esateko. Etxebizitzan, Amelia Sanchez 65 urteko emakumezkoa hilda aurkitu zuten, soinean arma zuri batez egindako zauriak zituela. 41 urteko semea atxilotu zuen Ertzaintzak. Argazkian, urtarrilaren 20an Elena Cal tolosarraren erailketa salatu zuten Algortan.
Gaur Herrizaingo Sailak adierazi duenaren arabera, pasa den otsailaren 3an amari "aerosol batekin" eraso egin zion semeak eta hori dela eta atxilotu egin zuten. Gizonak buruko osasuneko arazoak dituela ere adierazi dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun