Asel Askatu! taldearen oharra:
Lortu dugu, biba zuek! Asel etxe barruko arrastatzepean dago!
Gaur goizean Temucon Aseli egindako bista eta gero epaileak hartu duten erabakiagatik, etxe barruko arrastatzean egongo da epaiketa egunera arte. Beraz nahiz eta libre ez geratu, gure lagunak epaiketa irten arte bere etxean emango ditu eguna eta gauak, bere neska lagunarekin, bere lagunekin, bere familiarekin... Eta gu denok, berarekin berba egiteko gai izango gara, bitarteko barik!
Guztion lanak Aseli espetxe zigorra kentzeko baliagarria izan dira. Aske geratzetik hurbilago gaude!
Askel plataformako kide guztiok, zuri eta zure familia guztiari besarkadarik beroena bidaltzen dizugu!
BIBA ZUEK!
Informatzen jarraituko dugu!
Asel Luzarraga musikaria, idazlea eta Euskal PEN Klubeko zuzendaritza batzordeko kidea etxe barruko arrastatzean jarri dute. Izan ere, Txileko Temuco epaitegietan bista izan du gaur goizean eta epaileak etxetik irten gabe eta zaintzapean egotea agindu dio, epaiketa burutuko den egunerarte. Aselaskatu.org-k zabaldu duenez, "nahiz eta libre ez geratu, gure lagunak epaiketa irten arte bere etxean emango ditu eguna eta gauak, bere neska lagunarekin, bere lagunekin, bere familiarekin...". Gainera, ohartarazi dutenez, Luzarragak komunikatzeko eskubide guztiak berreskuratuko ditu. Asel Luzarraga idazle, blogari, abeslari eta kazetaria abenduaren 31n atxilotu zuten Txilen, WallMapun lurralde maputxean. Temuco eskualdeko Justizia idazkaritzaren aurka atentatua egiten saiatzea leporatu zioten; baita etxean lehergaiak edukitzea ere. Urtarrilaren 6an, behin-behinean espetxera bidali zuten. Argazkian, Aselen alde egindako elkarretaratzeetako bat / © Askapena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun