Ostegun honetako "Munduko sustraiak" saioan Hibai Deiedra santurtziar musikariak bisitatuko du Koska irratiko (FM 108.0) estudioa. Elkarrizketarekin batera, emanaldi akustikoa ere eskainiko du zuzen-zuzenean artistak, 21:00etatik aurrera. Deiedra laukotea 2007ko erdialdean sortu zen, zeltak deritzen herrialdeen (Basque Lands) tradiziozko musika eta Old time-bluegrass amerikarraren soinuak jasotzeko asmoz. Halere, beste hainbat estiloez elikatzen dira, letretan zein musikan. Lehendabiziko diskoa, “Legegabeen kondairak” izenburukoa, 2009ko uztailean kaleratu zuen Deiedra taldeak. Orotara, dozena bat abesti biltzen ditu, hamar espainolez eta bi euskaraz. Hibai beste hainbat proiektutan murgilduta dabil, "Ezkerraldea On Celtic" izenekoan esaterako. Horretaz gain, Deiedra izenarekin argitaratutako diskotik aparte, "Azken agurra" izeneko disko txiki bat (hiru abesti) atera zuen iaz Ronnie Drew Dubliners taldeko abeslariaren omenez, minbiziaz hil zenean. Argazkian, Hibai Deiedra / © Deiedra.
Deiedra laukoteak aitortzen dutenez, "taldea baino gehiago bataila bat da gurea; eta batailetan gudariak erori ohi dira. Baina, huntza edozein gainazalari heldu egiten zaio, hil barik, isil-isilean (whisky ona bezala) gora eginez". Letretan, berriz, ohiko gaiak jorratzen dituzte, beti ere ikuspuntu zabal batetik, hausnarketari bidea emanez. "Olerki traza daukate gure kantek, baina uneoro ideia argi eta zuzenak transmitituz: bidegabekeria, tristura, oroitzapenak... zu eta gu, arrotzok, senti dezakegun guztia", diotenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun