Emakume bat hil da gaur eguerdian Bizkaiko 2122 errepidean, Sopelan, turismo batek harrapatu ostean. Herrizaingo Sailak zabaldutakoaren arabera, hildakoa bere autotik jaitsi eta hirugarren kotxe baten gidariarekin zegoen aurretik izandako txapa istripu batez hitz egiten. Orduan, goizeko 11:15ak aldera, Berangoko norabidean zihoan beste auto batek emakumea harrapatu du. Oraindik ez dira ezagunak istripua eragin duten arrazoiak, baina andra, 38 urtekoa, autoaren gurpilen azpian gelditu da harrapatuta. Bertaratu diren suhiltzaileak eta osasun langileek ezin izan dute ezer egin, gorpua atera eta heriotza egiaztatzea baizik. Beste gidaria, 45 urteko gizonezkoa, ospitalera eraman behar izan dute, hainbat lesio izan ditu eta. Oraindik ez dakite jasandako zaurien garrantzia. Momentuz, errepidea itxi eta zirkulazioa Sopelatik bertatik igarotzeko desbideratu dute. Ertzaintza gertaera aztertzen ari da. Pasa den urtarrilaren 9an, 20 urteko gazte leioaztar bat hil zen Avanzadan, Erandion.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun