Txikienen txanda, beraz, otsailaren 16, asteartean, izango da. Goizetik izango dira kaleetatik zehar euren mozorro alai eta koloretsuekin. Alde batetik, goizeko 11:00etatik 14:00etara eta arratsaldeko 16:00etatik 20:00etara Sakoneta kiroldegian haurrentzako parkea izango da prest. Bestetik, 12:30ean eta 17:30ean animazio taldearen ekitaldia izango da eta 13:30ean inauteri torraden banaketarekin hasiko dira. Mozorro lehiaketaren partaideen desfilea, berriz, 18:30ean hasiko da Sakonetan eta 19:00etan sari banaketarekin amaituko da.
Leioako Inauterien egitaraua:
Otsailak 12, ostirala:
• 17:30ean, haur eta gaztetxoentzako tailerrak eta puzgarriak, Euskal Etxeen Plazan, Maritxu Teilagorren eskutik.
• 19:00etan, txokolate jana, Euskal Etxeen Plazan, Maritxu Teilagorren eskutik.
• 21:00etan, musika eta animazioa, Ikea Barri plazan.
• 21:30ean, Leioako XX. Udal Mozorro Lehiaketako partaideen desfilea, Ikea Barri plazan.
• 22:30ean, Leioako XX. Udal Mozorro Lehiaketako sari banaketa, Ikea Barri plazan.
• 23:00etan, erromeria Orots taldearekin, Ikea Barri plazan.
• 00:00etan, Inauteri afaria, Kurkudi herriko tabernan, Kurkudi Kultur Taldeak antolatuta. Izena aurretik eman behar da, 10 eurotan.
• 02:30ean, Ikea Barri plazako jaiaren bukaera.
Otsailak 16, asteartea:
• 11:00etan, haurrentzako parkearen hasiera, Sakoneta kiroldegian.
• 12:30ean, Potxin eta Patxin animazio taldearen ekitaldia, Sakoneta kiroldegian.
• 13:30ean, Inauteri torraden banaketa, Sakoneta kiroldegian.
• 14:00etan, goizeko ekintzen bukaera.
• 16:00etan, arratsaldeko ekintzen hasiera.
• 17:30ean, Txanogorritxu Rock animazio taldearen ekitaldia, Sakoneta kiroldegian.
• 18:30ean, Leioako XVIII. Haurren Udal Mozorro lehiaketako partaideen desfilea, Sakoneta kiroldegian.
• 20:00etan, jai bukaera.
Maritxu Teilagorri txosna batzordeak hasiera emango dizkio Leioako Inauteriei. Izan ere, bihar, ostiralarekin, Udalak Sakoneta ukatu ostean, haur eta gaztetxoentzako festa Euskal Etxeen plazan antolatu dute herriko txosnetako partaideek. Hitzordua 17:30etik aurrera jarri dute eta bertan haurrentzako puzgarriak, mozorroen argazkiak, hankapaluak, aurpegia margotzea, buztina, horma-irudiak, eta maskarak eta kapelak egiten ikasteko tailerrak izango dituzte neska-mutilek. Bestalde, 19:30erako, txokolate jan erraldoia prestatu dute. Indarrak hartuta, horrela nahi dutenek musikaz eta animazioaz gozatzeko aukera ere izango dute Ikea Barri plazan, 21:00etan. Ordu erdi beranduago bertako oholtzan hasiko da Leioako XX. Udal eta tabernen Mozorro Lehiaketan izen-ematea, partaideen alardea eta sari-banaketa. Ondoren, 23:00etan, Orots taldearen erromeria izango dute gautxoriek. Sabela betetzea nahiago dutenek berriz, Inauteri afaria izango dute Kurkudi herriko tabernan 24:00etan, aurretik izena eta 10 euro eman beharko dituztela. Asteartean, berriz, umeentzako ikastetxeen eta udal jarduerak izango dira nagusi, orduan bai, Sakoneta polikiroldegian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun