Uribe Kosta eta Erandiora bezala, Bilbora ere heldu dira Aratusteak; tartean, aurtengo Farolin Jose Lejarraga “Petiso” algortarra dugula. Gauzak horrela, Inauteriak umore onez eta alaitasunez ospatzeari ekin dio Kontzientzia Eragozpen Mugimenduak (KEM): "baita ironiaz eta kritika finez ere. Ez ahaztu. Batez ere boterearen aurka", gaineratu dute antimilitaristek. Bide horretan, KEMeko kideek mozorroak janzteko ohitura dibertigarria aprobetxatu dute gaur armadari "omenaldia" (espainolez) egiteko, eta "goraipatu" dute armadak munduko biztanleen arteko desberdintasunak mantentzeko egiten duen ekarpena. Autoritateek "dominak" banatu dituzte: Pizarro II faseari, Eurofighter 2000 karroari (arerioen biztanle-taldeen aurka zehaztasunez tiro egiteagatik), Taurus misil "baliotsuei" (bertokoak, Areetako Zugatzarte Etorbideko 56. zenbakian egoitza duen Sener enpresak eta ITPk egindakoak)… eta, batez ere, "Adorerik ez" militarra goraipatu dute, eta Armadaren leloa denaren gainean egin da indarra: “Alistatu, nik nahi dudana izango zara!”. Argazkian, gaurko "omenaldi militarra", Ertzaintzak zainduta / © KEM-MOC.
"Aipatu nahi dugu gerra ez dela ezinbestekoa; gaurko ekintzarekin gure aukerak aldarrikatu nahi ditugu: desobedientzia, biolentziarik eza, imajinazioa eta sen ona. Guzti hau praktikatzera animatzen diogu gizarteari!", adierazi dute KEMeko kideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun