Etzi, berriz, Zeena Ahmeden "Iraq: historias de mujeres" izeneko pelikula eskainiko dute. Emakume irakiarrek beraiek Estatu Batuen menpeko okupazioan bizi izandakoa kontatutakoa ikusi ahal izango da. Mahai-inguruan Teresa Arangurenek eta Leila Nachawatik hartuko dute parte.
Ikusi "Iraq: historias de mujeres" filmaren aurrerapena:
Biladi palestinar kultur zentroak "Mujeres y resistencia" lelopeko jardunaldiak antolatu ditu astearte eta asteazken honetarako, otsailak 16 eta 17, Getxoko Udalaren laguntzaz. Saioak Algortako Villamonte kaleko kultur etxean izango dira, 18:30ean hasita. Gauzak horrela, bihar, Buthina Cannaan Khouyk zuzendutako "Women in struggle" izenburuko pelikula proiektatuko dute. 50 minutuko iraupena duen pelikula horrek Palestinako erresistentzian urteak eman ondoren espetxean dauden lau emakumeren istorioak kontatzen ditu. Ondoren mahai-ingurua izango da honako hauekin: Teresa Aranguren, mundu arabiarreko kazetari aditua eta Palestina eta Israelen arteko gatazkari buruzko liburu batzuen egilea; Leila Nachawati, Filologia ingeleseko eta arabiarreko lizentziatua, nazioarteko lankidetzan esperientzia duena eta on-line komunitateen gestorea eta Hana Cheikh Ali, Gazte palestinarren Sareko ordezkaria. Argazkian, emakume palestinar bat Israelgo soldadu bati aurre egiten / cc-by Webislam.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun