Ezbeharra ostegun eguerdian gertatu zen, Bizkaiko 2122 errepidean. Herrizaingo Sailak zabaldutakoaren arabera, hildakoa bere autotik jaitsi eta hirugarren kotxe baten gidariarekin zegoen aurretik izandako txapa istripu batez hitz egiten. Orduan, goizeko 11:15ak aldera, Berangoko norabidean zihoan beste auto batek emakumea harrapatu zuen. Yolanda Ezpeleta autoaren gurpilen azpian gelditu zen harrapatuta. Bertaratu ziren suhiltzaileek eta osasun langileek ezin izan zuten ezer egin, gorpua atera eta heriotza egiaztatzea baizik. Beste gidaria, 45 urteko gizonezkoa, ospitalera eraman behar izan zuten, hainbat lesio izan zituen eta.
Ikusi Ander Deuna ikastolak ospatutako Inauterien bideoak, Sopela.net-en eskutik:
Juan Jose Ezpeleta Barrikako alkate jelkidearen arrebaz gain, Sopelako Ander Deuna ikastolako ume baten ama ere bazen, ostegunean, trafiko istripuan hildako Yolanda Ezpeleta. Hori dela eta, ostiraleko Inauteri egun aurreko orduak oso gogorrak suertatu zitzaizken hezkuntza zentro sopeloztarreko ikasle, irakasle, langile eta gurasoei. Halere, azkenean aurrera egitea erabaki zuten, Sopela.net agerkari digitalak zabaldu duenez. Bizitza aurrera doala eta berarekin batera joateko beharra dagoela azpimarratu zuten. Ekitaldiaren hasieran Yolanda gogoan izan zuten eta haien gertukoei babes osoa adierazi zieten. "Xalbadorren heriotza" abestu zuten eta segituan prestatutako ekitaldia burutu zuten. Argazkia eta bideoak: Ander Deuna ikastolako neska-mutilak Inauteriak ospatzen ostiralean / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun