Parte hartzeko http://udalaentzun.wordpress.com gunean sartu, eta ondoko ataletako batean kritika edo ekarpena egitea besterik ez dago.
- Auzoak. Auzoetako egoerari buruz kritikak idazteko edo Udalari egoera hobetzeko proposamenak egiteko.
- Udala. Udalaren politikei eta herria kudeatzeko moduari kritikak eta ekarpenak egiteko.
- Azpiegiturak. Kritikak egiteko ondokoari buruz: herriko azpiegiturak, etorkizunerako aurreikusita dauzkatenak, Udalak horiek kudeatzeko modua (kultur etxeak, udal-lokalak, liburutegiak, antzerkiak eta auditorioak, entsegu-gelak, gazlelekua, gazte-aterpea...), eta abar.
Leioaztarrek herriari buruz nahi dituzten ekarpenak eta kritikak egin ditzaten, ekimena abiatu berri dute Internet bidez. Horretaz gain, Leioan "gauza asko txarto" dagoela eta "eurek uste bezain ondo egiten ari ez direla" adierazi nahi diete udal agintari zein zinegotziei, ondoko bitakoraren bitartez: http://udalaentzun.wordpress.com. Sustatzaileen ustez, "herria asko aldatu da denbora gutxian, eta aldaketok eragin dituzten erabakiak aldebakarrekoak izan dira, Udalarenak. Herritarrok ez dugu erabakietan parte hartu, kasu gutxi edo bat ere ez digute egin". Hori dela eta, horretan parte hartzera deitu dituzte leioaztar eta herriko elkarte guztiak. Horrekin batera, beste herrietako bizilagunak ere antzeko ekimenak abia ditzaten animatu dituzte. "Izan ere, eta salbuespenak salbuespen, Udalek gero eta baliabide gutxiago eskaintzen digute gauzatzera doazen aldaketei eta kudeaketari buruzko erabakietan parte har dezagun, maila orotan: gai politikoak, kirol arlokoak, kulturalak, ekonomikoak, lan arlokoak...", azaldu dutenez. Argazkian, Lamiakoko araztegiaren kontrako aldarria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun