Behe solairua, beraz, 0 eta 2 urte bitarteko 80 umeentzat zuzendutako haur eskola izango da. Proiektuaren barruan lokalaren gaikuntza, ekipamendua eta altzariak jartzea ere sartzen da, udal iturriek aipatu dutenez. Horretaz gain, banan-banakako jolastokia eraikiko dute. Tokiko agintarien hitzetan, "guzti honekin, herrian den haur eskola publikoen eskaria handitzea lortu nahi da, eta horrela, Artatzako zentroan egun diren 20 plaza handituko lirateke leioaztarrentzat. Leioako Udalak eraiki eta gero, tokiko arduradunek Haurreskolak patzuergoaren esku utziko dute zentroaren kudeaketa, Artatzakoarekin gertatu bezala.
Musika eskola
Gaineko bi solairuak bi helburu ezberdin dituzte: alde batetik, musika eskolako ikasleei zuzentzea; eta bestetik, etorkizuneko beharrezkoak izango diren hezkuntza zerbitzuetara bideratzea. Kasu bietan, udal aurrekontutik hartu beharko da diru gehiago ekipamendu eta altzarietarako, tokiko iturriek aitortu dutenez.
Hori horrela, bigarren eta azken solairu horiek, Leioako Musika Eskolak egun duen eraikinaren parean altxatuko dira, aipatu udal instalazioak handitzea ahalbidetuz. Gaur egun, musika eskolak hainbat diziplina biltzen ditu: hari-tresnak, haize-tresnak, pianoa, gitarra, eskusoinua eta txistua... ia 700 ikasle batu arte. "Handitze horrek gelen egokitzea ahalbidetuko du, teoria eta praktika behar bezala tartekatzeko eta matrikulazio berriak hartu ahal izateko. Horretaz gain, perkusio tresnak ere lantzeko aukera emango dio zentroari, bere eskaintza musikala handituz", udal arduradunen arabera. Ikasketa horiek oso eskari handia omen dute Leioan bertan. Izan ere Udalak ikasketa horien %50 finantzatzen ditu.
Espainiako Gobernuaren diruaz haur eskola berria egin eta musika eskola handituko dute Leioan
Leioa erdigunean eraikin berria altxatuko dute, bertan bigarren haur eskola bat jarri eta musika eskola handiagotu ahal izateko. Horretarako, bigarren Tokiko Inbertsio Funtsetik udal leioaztarrari egokitutako diru kopuruaren %80 erabiliko dute, EAJk eta Ezker Batuak osoko bilkuran erabaki ostean. Egitasmo horren bitartez, 2.000 metro koadro baino gehiagoko etxea egingo dute egungo Txomin Aresti eskola publikoaren alboan. Eraikina hiru solairutan banatuta egongo da, hots, behe solairua eta beste bi gainetik. Aurreikuspenen arabera, behe solairua haur eskolarako izango da, bigarren solairua musika eskolako gelak ezartzeko erabiliko dute; eta bitarteko solairua, hezkuntza arloan etorkizunean beharrezkoak izango diren zerbitzuetarako bideratuta egongo da. Eraikin horretara zuzendutako aurrekontua bi miloi euro baino gehiagokoa da (2.636.372 euro), eta obrak aurten hasiko dira. Argazkian, Leioako Udal Musika Eskola / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun