Iñigo Juaristi entrenatzaile berangoztarrak ez du aurrerantzean Athleticeko emakumeen lehenengo taldea prestatuko. Atzo iluntzean entrenatzaile ardura laga egingo zuela jakinarazi zion klubari. Behin-behinean, Athleticek zabaldu duenez, Alberto Berasaluze bigarren entrenatzaileak hartu ditu jada Juaristiren ardura. Azken boladan talde zurigorriak izan dituen emaitza txarrak izan dira Juaristiren dimisioa bultzatu duten arrazoiak. Pasa den igandean, 5 eta 1 galdu zuten Madrilen Atleticoaren aurka eta urtarrilaren 31n, 6 eta 1 erori ziren Barcelonaren aurrean. Lezaman, berriz, 2 eta 1 nagusitu zitzaizkien Prainsa Zaragozako jokalariei. Gauzak horrela, Emakumeen Superligako zortzi taldeetatik seigarrenak dira lehoi emeak, sei partidatan zazpi puntu baino ez dituztela bildu. Juaristi emakumezkoen futbol koordinazioan zentratuko da orain. Argazkia: © Athletic Club.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun