LABen arabera, "dozenaka dira urtero bizia galtzen duten, ondorio larriak jasaten dituzten edota gaixotzen diren langileak, beraien lan baldintzak egokiak ez direlako. Lan osasuna eta segurtasunari bermatzeko orduan, enpresa-klaseak bultzatzen dituen ezegonkortasunak, azpikontratazioak eta arduragabekeriak jira-bira horretan murgiltzen dituzte langileak". Hori dela eta, "ustekabeko edo ekidin ezinezko gauza bailitzan, gaitz horretara ez ohitzera" deitu du sindikatu abertzaleak, "guztion indarraz, patronalak eta instituzioek gaia serio hartzea lor dezakegulako".
Ikusi Sopelako elkarretaratzearen bideoa, Sopela.net-en eskutik:
Petronorreko langile sopeloztarraren heriotza argitzea eskatu du Cokearen Aurkako Koordinadorak
Azken aldian Petronor enpresaren Muskizeko findegian izandako ezbeharren zergatiak argitzea eskatu zuen atzo Cokearen Aurkako Koordinadorak, "Gara" egunkariak (espainolez) zabaldu duenez. Horretaz gain, dagozkien erantzukizunak garbitzeko exijitu diete ardura daukaten administrazioei. Gertaerarik larriena joan den larunbatean, otsailak 13, jazo zen. Egun horretan, azpikontrata batentzat mantenu lanak egiten zituen Julio R. P. inizialak zituen Sopelako 50 urteko gizona itota hil zen, depositu batean lanean ari zela. Astelehenetik asteartera bitartean, 24 orduko lanuztea egin zuten bere lankideek. Asteartean ere hainbat herritarrek kontzentrazioa egin zuten, udaletxe sopeloztarraren aurrean, Sopela.net agerkari digitalak zabaldu duenez. Argazkia eta bideoak: LABek deituta asteartean Sopelan egindako elkarretaratzea / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun