Barrence Whitfield musikari estatubatuarra eta Petti eta Bloodyhotsaks euskaldunak doinu gozoz arituko dira bihar, ostiralarekin, Kultur Leioako Kafe Anbigu aretoan. Leioako Kultur Arloak zabaldu duenez, kontzertua gaueko 22:00etan abiatuko dute, folk, funk, country eta rock&roll musikak nagusi izango direla. Horretaz gozatu nahi dutenek, baina, bederatzi euro ordaindu beharko dute. Joaterik ez dutenek, berriz, Koska irratiaren Barrence Whitfield musikari estatubatuarra eta "Fonoteka" saioak kontzertuaren inguruan egindako programa entzun ahal izango dute. Whitfield rock and rollaren, funkaren eta soul musikaren legenda bat da. Urte askoan izan da The Savages taldeko kide, eta hainbat kontzertutan hartu du parte Richard Thompson, Solomon Burke, Los Lobos, Taj Mahal eta beste hainbat artistekin batera. Azkenaldian, The Hi-Risers taldearekin aritu da, Bo Diddley lagun izandakoari omenaldia eginez.
Juan Luis Perez Mitxelena "Petti" kantautore nafarra, berriz, ezagunagoa da Euskal Herrian, Anarirekin, Txuma Murugarrenekin eta Rafa Ruedarekin egin duela lan. Whitfield eta Petti, biak ala biak, folk, country eta blues-rockaren musikari apartak dira, eta "Bera eta Boston, gaztetasuna eta esperientzia, euskara eta ingelesa" musikan bilduko dute, oraingoan, modu akustikoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun