Herenegun atxilotutako Jon Rosales Palenzuelaren neskalagunak Nafarroako Areso udalerrian duen baserria miatu du Guardia Zibilak, Espainiako albiste-agentziek zabaldu dutenaren arabera. Miaketa arratsaldeko 6ak eta 9:30ak bitartean garatu da eta bertatik hainbat poltsa eraman dute poliziek. Era berean, etxe bana miatu dute Zarautz eta Errezilen. "Berria"k zabaldu duenez, agentzien arabera lehenengo etxebizitzak Ibai Beobiderekin du zerikusirik eta bertako jabea den andra bat atxilotzera joan dira. Errezilen, ordea, etxe horretako gizonezko baten atzetik zebiltzan Guardia Zibila, iturri berberen arabera. Bitartean, Beobidek jasandako torturen berri eman du AAMk era zabalean. Orain, Rosales eta beste sei lagun daude Guardia Zibilaren eskuetan inkomunikatuta. Gauzak horrela, gaur eta datozen egunotan 20:00etan manifestazioa izango da Algortako Telletxe kalean Rosales inkomunikazio egoeran mantendu bitartean, AAMk iragarri duenez (mp3). Argazkian, atzo 200 lagun izan dira gaurko protestan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun