Beste urte batez, “Oporrak bakean” ekimenarekin bat egin du Gorlizko Udalak. Horren bidez, Saharako umeei aukera eman nahi zaie udako hilabeteak, uztailaren hasieratik irailaren hasierara, gure artean egitera. Dagoeneko baiezkoa eman dute iaz haurretako bat etxean hartu zuten lau familietatik hiruk. Gauzak horrela, sendi bakarraren premian daude. Joan-etorria, asegurua eta begiraleen gastuak Udalak berak ordainduko ditu eta umea hartzen duen familia horren mantenuaz baino ez da arduratu beharko. Mediku araketak, berriz, Eusko Jaurlaritzaren Osasun Sailak egingo ditu. Harrera programan bereziki interesatuta daudenek apirilaren 20a baino lehen joan beharko dute udal bulegoetara, NAN eta osasun txartela aldean daramatzatela, behar diren tramiteak egiten hasteko. Argazkian, 2008ko udan Getxora heldutako Saharako umeak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun