"Bakartuta izateaz gain, azpimarratu behar da, bera dagoen modulua, bigarren gradukoa izan arren, oso modulu gatazkatsua dela", adierazi du Uribe Kostako AAM-k. Bestela ere, hainbat “parte” sartu dizkiote Pauli beste kontuengatik ere, errepresioaren kontrako erakundeak jakinrazi duenez. Esaterako, funtzionario batek bisita denbora laburtu zion etxekoekin zegoenean, eta protesta egin zuenez arrastaka eraman zuten lokutorioetatik. "Parte eta zigorren ondorioz, lehenengo gradua sartuko diotela esan diote, baina horren tramitazioa Espetxeetako Zuzendaritzaren esku dago, eta bitartean moduluan egongo dela", gaineratu dute. Gutunak eta egunkariak jasotzeko ere arazoak ditu Sevilla II espetxean dagoenetik.
942 kilometro
"Gogoratu behar da Sevilla II espetxea nahiko berria dela, baina egitura arazo asko ditu eta bertako funtzionarioen jarrera oso zorrotz eta oldarkorra dela", aipatu du Uribe Kostako Amnistiaren Aldeko Mugimenduak. Bestalde, Euskal Preso Politikoen Kolektiboaren (EPPK) borrokaldiaren aldarrikapenetako bat inor bakartuta ez egotearena dela. Sevilla II espetxean, ondoko euskal preso poltikoak daude gaur egun: Iñaki Arakama Mendia, Jose Arizkuren Ruiz, Urtzi Paul Larrea, Joseba Permach Martin eta Jon Villanueva Patin. Getxotik Moron de la Fronterara 942 kilometro daude.
Urtzi Paul Algortako euskal preso politiko gazteak etxekoei adierazi dienez gaur, otsailak 21, beste planto bat egingo du, Sevilla II espetxean dauden gainerako euskal preso politikoekin izatea aldarrikatzeko. Uribe Kostako Amnistiaren Aldeko Mugimenduak Etengabe bitakoraren bitartez azaldu duenez, Paul bakartuta daukate Sevilla II espetxean bertara eraman zutenetik. Bigarren graduko modulu batean sartu zuten, eta hor dago, beste euskal preso politikorik gabe. "Berak beti eskatu du isolamendura eramatea, bertan dauden gainerako euskal preso politikoekin batera egoteko. Baina bigarren graduan dagoela esan diote, eta modulu horretan izan behar duela", azaldu dutenez. Horren aurrean, bakartzearen aurka hainbat planto egin ditu algortarrak, horrela, zigortu eta azkenean isolamendura eramango dutelakoan. Baina, zigortu, zigortzen dute, isolamendura eraman izan dute zigorra betetzera, zigortuen erregimen berezian, baina behin zigorra amaitu orduko modulura bueltatu dute beti, beste euskal preso politikoekin izan gabe. Argazkian, Urtzi Paul atxilotu zutenean egindako manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun