Izan ere, Jone Uria izan zen kontzertua zabaltzeko arduraduna, diskoan bezala, bertso batez (mp3). Ondoren heldu ziren, banan-banan "Haize Berriak" diskoan grabaturiko abestiak, batzuk sendo, indarrez, haserre... beste batzuk, berriz, umel, baina, batez ere, aldarte onez, irribarretsu, algaraka. Publikoak, dagoeneko letrak ikasita, kanta gehienak abestu eta dantzatu zituen. Tartean, 121 Krew hip-hop euskalduna egiten duen Barakaldoko taldeko Endikak "Eskubideen trafikanteak" abesteari ekin zion, Mariarekin batera, doinua nahierara bihurrituz.
Eta dena amaitzear zegoela ematen zuenean, Maria, Gorka, Pepo eta Ekaitzek atzera egin eta bertso-hopari utzi zioten lekua. Endikak "Gora Baraka, behera Neguri!" abestiaren doinupean azaldu zen bitartean, Jonek segidillaka jarraitu eta erantzun zion. Jende algaren artean jarraitu zuen kontzertuak, Kurkudiren 25. urteurrenerako Ekaitzek sortutako "25 urte borrokan eta iraultzen!" abestiaren bertsio berria hainbaten eztarriek urratu zutela. Azkenik, seigarren bisean edo auzokideekin errukitu ziren, jendea oraindik gogoz utzita. Agian horregatik, dagoeneko agindu du Sirokak Leioara bueltatuko dela. Gazte Egunean izango da, apirilaren 24an. Eta badaezpada errefortzuekin etorriko dira, Amargor taldearekin.
Bitartean, "Haize berriak" diskoa osorik deskargatu daiteke Sirokaren webgunetik eta gustukoa izatekotan, erosi ere egin daiteke, besteak beste, Algortako Eztabaida liburudendan, Leioako Kurkudi tabernan bertan edota Urdulizko Basartena tabernan.
Bakion eta Balmasedan kontzertu bana eman ondoren, pasa den ostiralean heldu zen eskualdera MusikHerria diskoetxeko Siroka taldea. Hitzordua Kurkudi herriko tabernan zeukaten, Leioan, Ekaitz "Kloratita"-ren herria eta Pepo "Keats", "Stropajo" edo "All Night'ers Club" erandioztarraren lantokia, alegia. Espero bezala, lepoz bete zen aretoa eta hasiera-hasieratik siroko haizeak jo zuen. Baina, Saharako ekaitz eta trumoiek Euskal Herriraino harea nekez ekartzen dutela, umore-ekaitza deskargatu zuten barra-barra Sirokakoek, Jone Uria bertsolari algortarrak eta Endika La Haine 121 Krew-eko kideak lagunduta. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun